«Saraishyq Upgrade-2018» жастар форумы
2018 жылдың 20-21 желтоқсан күндері Елбасы Н.Назарбаевтың «Болашаққа бағдар: рухани жаңғыру» бағдарламасында берілген тапсырмаларды жүзеге асыру аясында Атырау өңірінде екі күндік Saraishyq Upgrade-2018 жастар форумы өтті. Бұл форумның мақсаты – жастарды біріктіру, жастар арасындағы ынтымақтастық пен достықты нығайту. “APEC PetroTechnic” жоғарғы колледжінде салтанатты түрде ашылған Saraishyq Upgrade -2018 атты жастар форумында Атырау облыстық жастар мәселесі жөніндегі басқарма басшысы Ролан Құспан: «Білім», «Мәдениет» және «Салауатты өмір салты» салалары болды. Форум мақсаты – жастардың өз таңдауларына сай білімді, тәжірибелі кәсіби мамандармен жүздесуге мүмкіндік беру. Олармен шеберлік сынып бойынша пікір алаңын ұйымдастыру. Өңір жастарының достығына дәнекер болу. Бұл форумға осы үш сала бойынша ізденіп жүрген және білім алып жатқан жастар қатысуда. Спикерлер мен жастар тарапынан белсенділіктерді күтеміз» деп форумға қатысушыларға сәттілік тіледі. Биылғы жастар форумының ерекшелігі – оның жастардың қалауы бойынша «білім», «мәдениет» және «салауатты өмір салты» бағыттарын таңдалуында болды. Форумға еліміздің Батыс аймағы мен Астана, Алматыдан шығармашыл жастар, болашақ мамандар қатысты. Форумда өңірлік жастарды дамытуға арналған 3 бағыт қаралуда (білім және кәсіптік бағдар, мәдениет және шығармашылық, салауатты өмір салты және бос уақытты тиімді пайдалану) бойынша әртүрлі идеялар мен ұсыныстар қаралауда. Әр жастың қосар ойың мен тың идеялары Атырау облысының болашағына үлкен үміт күттіреді.
Жастар ісі комитетінің жетекшісі
Темірғалиев Р.
