«Жыр алыбы-Жамбыл» әдеби кеші

Қазақстан Республикасының Тәуелсіздігінің 30 жылдық мерейтойы қарсаңында және Жамбыл Жабаевтың 175 жылдың мерейтойына орай 2021 жылдың 26 ақпан күні Атырау энергетика және құрылыс колледжінде «Жыр алыбы-Жамбыл» атты студенттердің әдеби кеш ұйымдастырылды.

Әдеби кештің мақсаты: Студенттерге жүз жасаған жыр алыбы Жамбыл Жабаевтың өмірімен шығармашылығынан таныстыру.Жамбыл Жабаев шығармашылығының қазақ әдебиетіндегі алатын орны мен маңызын түсіндіру. Студентерге Ж. Жабаевтың өлеңдерінің мазмұнын, тақырыбы мен негізгі ойын меңгерте отырып, олардың бойында қазақ халқына, қазақ тіліне деген сүйіспеншілік сезімін қалыптастыру, оларға эстетикалық, патриоттық тәрбие беру.

Ленинградтық өренім! Мақтанышым сен едің! Бұл – кезінде қаншама жанға үміт отын сыйлап, жігер берген өлең шумақтарының үзіндісі. Биыл – туындының авторы, жыр алыбы, ақын Жамбыл Жабаевтың дүниеге келгеніне 175 жыл. Осыған орай ұйымдастырылған шараға колледж студенттері мен ұстаздары қатынасты.

Жамбыл Жабаев артынан өлместей мұра қалдыра білді. Ол – айтыс ақыны, жауынгер жыршы. Бүгінгі өткізіліп жатқан жиын да 20-шы ғасырдың Гомері атанған тұлғаның әскери шығармашылығына арналып отыр.