“1 желтоқсан – Тұңғыш Президент күніне” орай “Ұлт көшбасшысы” тақырыбында фото-көрме өтті.
2021 жылдың 23 қараша күні Ш.Сариев атындағы көркемсурет және қолданбалы-сәндік өнер музейінде “1 желтоқсан – Тұңғыш Президент күніне” орай “Ұлт көшбасшысы” тақырыбында фото-көрме өтті.
Нұрсұлтан Әбішұлы Назарбаев – 1991 жылдың 1 желтоқсанында бірінші бүкілхалықтық сайлауда сайланған Қазақстанның Тұңғыш Президенті және Елбасы.
Қазақ халқы үшін еліміздің тұңғыш президенті Нұрсұлтан Әбішұлы Назарбаевтың орны бөлек. Бұл мерекенің 1 желтоқсан болып таңдалу себебі де ерекше, 1991 жылдың 1 желтоқсан күні бүкілхалықтық сайлау нәтижесінде қазақ елінің тұнғыш президенті сайланды.
Нұрсұлтан Әбішұлының бастауымен елімізде түрлі іс шаралар, саяси, экономикалық, әлеуметтік реформалар жүзеге асты. Елбасымыздың кемеңгерлік саясаты арқасында қазақ елі өзге елдерде таныла бастады. Ел іргесі, шекарасы нақтыланды, заңмен бекітілді. Елбасымыз қазақ халқы үшін аянбай қызмет етті.
Халық алдында, мемлекет алдында осындай толағай тірлік атқарған Президент күнін атап өту Сіз бен біздер үшін үлкен қуаныш, зор мәртебе.
Өнер музейінде өткізілген фото-көрмеге Атырау қаласы энергетика және құрылыс колледжінің және С.Өтебаев атындағы Атырау мұнай және газ университетінің студенттері қатысып, тамашалады. Экскурсия жүргізушісі Аида Маратқызы музей залдарына экскурсия жүргізді.
