Мамандық -өмірлік таңдау

2021 жылдың 9 ақпан күні Атырау энергетика және құрылыс колледжінің Тәрбие бөлімі, «Электрмен қамтамасыз ету» мамандығының бөлім меңгерушісі Клешова Ф.Е. , «Дәнекерлеу ісі» мамандығының арнаулы пән оқытушысы Мусалимов Н.Е. Нұрсая ықшам ауданындағы Жалпы білім беретін №40 орта мектебінің 9-11 сынып оқушыларына колледждегі мамандықтармен таныстыру, оқушыларға болашақ мамандық және кәсіби бағдарын таңдауда көмектесу, мамандық әлемі және оның ерекшеліктері туралы дүниетанымын кеңейту мақсатында “Мамандық -өмірлік таңдау” тақырыбында кездесу сағаты өткізілді. Шараға 80 жуық оқушы қатысты.

      Колледждің жетістіктері мен мамандықтары туралы презентация мен видео көрсетіліп, баяндалды. Колледждің мамандары мамандық таңдауға септігін тигізу мақсатында өз ойларымен бөлісіп, тың пікірлері мен ақыл-кеңесін айтылды. Олар өздерінің еңбек жолындағы жетістіктерін өздері білім алған шаңырақ осы колледждің мамандар дайындаудағы тынымсыз еңбектің нәтижесі екенін дәлелді айта білді.

      Кәсіптік бағдарлау жұмысының негізгі мақсаты – ең қажетті колледждің мамандықтары жайлы айтып беру және оқушыларға болашақ мамандықты дұрыс таңдауға көмек көрсету.. «Болашақта жұмыссыздар қатарында болып қалмас үшін қазірден бастап болашақ мамандықты таңдауда барлық жауапкершілікпен және асығыстық танытпай мұқиат кірісу керектігі айтылды.