Студенттік жатақханадағы Жаңа жыл

2023 жылдың 26 желтоқсан күні Атырау энергетика және құрылыс колледжінің Студенттер үйінде жатақхана студенттерінің ұйымдастыруымен Жаңа жыл кеші өтті.

Бағдарламада тек жақсы көңіл-күй, көңілді әзілдер және жағымды эмоциялар болды. Бұл кеште Жаңа жыл қарсаңындағы ең жылы сөздер мен тілектер айтылды.

Студенттер дайындаған музыкалық нөмірлер, театр қойылымдары, билер бір-бірін толықтырып, мерекелік көңіл-күй сыйлады. Аяз ата мен Ақшақар қонақтарға тәтті сыйлықтар дайындап, ең үздік бөлме безендіру конкурсының жеңімпаздарын марапаттады.

Жаңа жыл Сіздерге көп қуаныш пен көтеріңкі көңіл-күй, мықты денсаулық, табыс, бейбітшілік пен бақ-береке әкелсін!