«OTANlife» «Ulttyqtarbie» «Дәстүр мен ғұрып»
Атырау энергетика және құрылыс колледжінде «OTANlife» және «Ulttyqtarbie», «Дәстүр мен ғұрып» жобаларын іске асыру және Наурыз мейрамын мерекелеудің іс – шаралар жоспары аясында «Ұлыстың Ұлы күні – Әз Наурыз» атты тәрбие бөлімінің онкүндігі аясында 2024 жылдың 14 наурыз күні 1 курс 12 топ Кең бейінді құрылыс жұмыстарының шебері және 1 курс 35 топ Бағдарламалық қамтамасыздандыруды құрастырушы мамандықтарының топ жетекшілері Мукашева А.С және Көшербаева Б.А. «Әз Наурыз- жыл басы» атты тәрбие сағатын ұйымдастырды.
Мақсаты:Әз Наурыз еңсесі биік елдіктің,іргесі сөгілмес бірліктің, ынтымақ пен ырыстың мерекесі екендігін және қазақ халқының шығармашылық дәстүрлері,ауыз әдебиетінің мұраларымен таныстырып, олардың тарихи маңызын түсіндіру. Халқымыздың салт-дәстүрлерін дәріптеу арқылы оқушыларды еліне,жеріне деген сүйіспеншілікке, адамгершілікке тәрбиелеу.
- Ұлыстың ұлы күні – Наурыз мерекесі туралы білімдерін тереңдету.
- Ауызекі сөйлеу арқылы студенттердің дүние танымын кеңейту.
- Студенттерді елін сүюге, дәстүрлі мерекелерді құрметтей білуге, бойларына адамгершілік жақсы қасиеттерді сіңіре білуге тәрбиелеу.
