«Наурызнама» «Жыл басы»

Атырау энергетика және құрылыс колледжінде «Наурызнама» онкүндігінің жоспарына сай 21 наурыз – «Ынтымақ» күні аясында «Ұлыстың Ұлы күні – Әз Наурыз» атты тәрбие бөлімінің онкүндігі жоспарына сәйкес мерекелік концерттік шарасы ұйымдастырылды, қасиетті Рамазан айында арнайы мал шалынып, ауыз бекіткен жандарға ауызашар берілді. Колледж ауласына қазан құрылып ет асылып, қазақ дәстүрі бойынша сыбаға тартырды. Колледж ұжымы 6 ауылға бөлініп, салт-дәстүрлерден көріністер қойылды.

Шараны колледж директоры Джумағазиев Тухфатолла Махфузұлы ашып барша ұжымды Ұлыстың ұлы күнімен құттықтады. Наурыз – көктем мерекесі, табиғаттың жаңаруы, жаңа өмірдің бастауы. Концерттік бағдарламаны ұйымдастырушылар мерекеге қатысушылар мен көрермендерге мерекелік атмосфера мен көтеріңкі көңіл-күй сыйлай білді.

Шара барысында әндер шырқалып, әжелеріміз арасында байқаулар ұйымдастырылып, жыр – термелер айтылып, күйлер шертіліп, салт – дәстүрден қойылымдар қойылып, колледждің кәсіподақ ұйымының сый – сияпаттар табыс етілді.