Ұстаздар күні аталып өтілді

Жыл сайын дəстүрге айналған ұстаздар күні биыл ерекше аталып өтті. Атырау энергетика және құрылыс колледжінде ұстаздар күніне арналған мерекелік шарасына ұйымдастырды.

Ұстаз-өмірдің шамшырағы! Осы бір керемет атауды арқалаған жандарға ұлағатты ой иелері де, арман оты жүрегінде алаулаған жеткіншектер де, парасатты қоғам қайраткерлері де қарыздар.

Қазіргі заманда білім деңгейі жоғары ұлт қана, жаһандану талаптарына жауап бере алады. Сондықтан …білім саласы – елдің ертеңін айқындайтын, оның бəсекелестік қабілетіне ықпал ететін аса маңызды сала》- деп, Президентіміздің жолдауында айтқандай, егемен елдің болашағын нұрландыратын , тəуелсіздігімізді тұғырландыратын өскелең ұрпақты тəрбиелеуші мұғалімдердің кəсіби мерекесі.

Сондай – ақ, колледжіміздің білім саласында ұзақ жылдан бері талмай еңбек етіп, табыстарға қол жеткізіп жүрген бірқатар ұстаздарды құрмет грамоталармен, алғыс хаттармен марапаттады.

Салтанатты шараның соңы колледжіміздің өнерпаз жастарының ұстаздарына тарту ретінде əзірленген консерттік бағдарламасына ұласты.