БОЛАШАҚ командасы «Birgemiz: Asyl mura» жалпыұлттық жобалары бойынша І жүлделі орын қанжығаға байлады

Атырау энергетика және құрылыс колледжінің БОЛАШАҚ командасы «Birgemiz: Asyl mura» жалпыұлттық жобалары бойынша І жүлделі орын қанжығаға байлады. 2020 жылдың 4 қараша күні Атырау облысы Жастар саясаты мәселелері басқармасының ұйымдастыруымен «Birgemiz: Asyl mura» жалпыұлттық жобалары бойынша, өңіріміздің сокралды картасына енген тарихи – мәдени орындар туралы кеңінен ақпаратттандыру , волонтерларды жұмылдыру, өлке тарихын тану, жастардың бойына патриоттық сезімді қалыптастыру мақсатында «Білім — ринг» интеллектуалдық сайысы өткізілді.Атырау облысының 8 колледжінің арасында Алтырау энергетика және құрылыс колледжінің Болашақ командасы І жүлделі орынға ие болды. Сайыс өте қызықты, тартысты өтті. Жастарымыз білім жағынан өздерін жан – жақты көрсете білді. Шара соңында ұйымдастырушылар қатысушыларға ризашылықтарын білдіріп, барлық қатынасқан студенттерге алғыс хаттар табыстады.