“Jas Sarbaz” облыстық әскери-спорттық зияткерлік эстафетасы өткізілді

Атырау аймақтық дене шынықтыру және спортты дамыту орталығының алғашқы әскери дайындық кабинеті 8-9 қараша аралығында “Атырау” ДСК-да Атырау облысының колледж студенттеріне , “Жас Сарбаз” әскери-патриоттық клубтарының тәрбиеленушілері арасында “Jas Sarbaz” облыстық әскери-спорттық зияткерлік эстафетасын өткізді. Эстафета “Батыс” өңірлік қолбасшылығының, Атырау облысы Қорғаныс істері жөніндегі департаментінің қолдауымен өткізілді.
Аталған жарысқа Атырау қаласы мен ауданнан 10 команда қатысты, команда құрамы 12 адам (6 ұл және 6 қыз). Эстафета бағдарламасына тапсырманы орындаумен (Калашников автоматын бөлшектеу және жинау, ОЗК кию, АК-74 дүкенін патрондармен жабдықтау, газтұтқышты кию, алғашқы медициналық көмек көрсету) және алғашқы әскери және технологиялық дайындық бойынша 10-11 сынып бағдарламасы бойынша компьютерде тест сұрақтарын шешумен түрлі кедергілерді жеңу кірді.