ҰЛТТЫҚ ЧЕМПИОНАТ ЖҮЛДЕСІ АТЫРАУ ҚОРЖЫНЫНДА

Биылғы «Worldskills Kazakhstan-2021» республикалық чемпионаты Атырау өңірі үшін сәтті болды.

Жастарға шеберлік дағдыларын дәлелдеуге, талантын мойындатуға мүмкіндік беретін дүбірлі доданың тоғыз бірдей жүлдесі атыраулықтардың қанжығасына байланды.

Нақтырақ атап өтер болсақ, Атырау облысы атынан сайысқа түскен қатысушылар 2 алтын, 3 күміс және 4 қола медальге ие болды.

Оның ішінде қола жүлде графикалық дизайн, кірпіш қалау, компьютерлік ойындарды 3D модельдеу, бизнеске арналған ІТ шешімдер құзыреттілігі бойынша қанжығаға байланды.

Ал үш күміс инженерлік графика, шанақ жөндеу жұмыстары, құрғақ құрылыс және сылақ жұмыстары құзыреттілігі арқылы келді.

Алтын медальге химиялық зертхананың технологиясы мен плиткамен қаптау құзыреттілігіне қатысушы жастар ие болды.

Білімі мен кәсіби шеберлігі сынға түскен сайыста оқ бойы оза шапқан шәкірттерді жеңістерімен құттықтаймыз.

Бүгінгі жүлдегер шәкірт, ертеңгі маман.

Демек, бұл АТЫРАУ ОБЛЫСЫНЫҢ ортақ жеңісі.

Жүлде құтты болсын, атыраулықтар!