Мәңгілік ел –Мәртебелі тіл
6-11 желтоқсан «Мәңгілік ел –Мәртебелі тіл» тақырыбында, ҚР Тәуелсіздігінің 30 жылдығына арналған колледжіміздің жылдық жоспарына сай қоғамдық- гуманитарлық пәндер бірлестігі апталығы болып өтті.
Мақсаты: Тіл мен тарихтың мол мұрасын кеңінен таныстыру, тарихтың адам өміріндегі маңыздылығын түсіндіру, тілдің мемлекеттік мәртебесін қалыптастыру.
Апталық барысында көптеген ашық сабақтар, тәрбиелік шаралар, конференция, көрме мен интеллектуалды ойындар болып өтті. Атап айтсақ: ағылшын тілі пәні оқытушылары өткізген Брейн-ринг «Who is Smarter?» интеллектуалды ойынында І орынмен №19 топ, ІІ орынмен №4 топ, ІІІ орынмен №38 топ студенттері бағалы сыйлықтармен арнайы дипломмен марапатталды.
Тарих пәні оқытушылары өткізген көрмеде «Сарайшық: ұлы қаланың тарихы» тақырыбында Сарайшыққа саяхат жасап қайтып, студенттеріміз мол мағұлмат алып келді.
ҚР Тәуелсіздігінің 30 жылдығына арналған ағылшын тілі пәнінің оқытушысы ұйымдастыруымен, «Тәуелсіздік -мәңгілік елдің тұғыры» тақырыбында студенттер арасындағы ғылыми –тәжірибелік конференция болып өтті. Конференцияға студенттеріміз жақсы дайындықпен келіп, қызығушылықпен қатысты. Конференция үш тілде қорғалып, өте жақсы қатысқан студенттеріміз алғыс хатпен марапатталды.
Орыс тілі мен қазақ тілі пәні оқытушылары өткізген «Мой Казахстан, тебя воспеть хочу …» тақырыбында өткізілген поэзия кешінде студенттеріміз елімізге, жерімізге деген сүйіспеншіліктерін үш тілде жеткізді. Тәрбиелік шараға өте жақсы қатысқан студенттеріміз алғыс хатпен сыйлықтармен марапатталды.
«Этические проблемы проявление киборгов. Употребление терминов в общенаучной лексике» тақырыбында өзін –өзі тану пәні мен орыс тілі пәнінің оқытушыларының ұйымдастыруымен, кіріктірілген ашық сабақ болып өтті. Студенттер жақсы дайындықпен және қызығушылықпен қатысты.
«Ғасырлар сөйлейді» тақырыбында тарих пәнінен интелектуалды ойыны өтті. Өте жақсы қатысып, барлық турдың сұрақтарына жақсы жауап берген студенттер І орынмен №19 топ, ІІ орынмен №1 топ, ІІІ орынмен №15 және 4 топ студенттері дипломмен алғыс хаттармен марапатталды.
