Қош келдің, Әз наурыз

2023 жылдың 20 наурыз күні Атырау энергетика және құрылыс колледжінде ұлттығымызды ұлықтайтын «Қош келдің, Әз наурыз» атты мерекелік той думан шарасы болып өтті.

Колледж директорының міндетін атқарушы Сапарғалиева Кунжамал Ибатовна құттықтап құттықтау сөзімен ашылды.

Іс-шарамызда колледжіміздің ардагер ұстаздары қадірлі қонағы болды. Мерекелік шарада Қыдыр атаның ақ батасымен басталып, ән мен биден шашу шашылып студенттер дәстүрлі қазақ билерін, әндерін көрсете отыра, мерекелік концерт ұйымдастырды Гүлдену мен молшылықты бейнелейтін ұлттық тағамдар қойылған дастархан жайылды.

Сонымен қатар мереке думанға Атырау облысы білім беру басқармасының басшысының орынбасары Биманова Орынтай Молдашқызы, мерекеге арнайы дайындалған концерттік бағдарламаны тамашалап, ақ дастарханнан дәм татты.

Әр ауылдарға бөлінген колледждің педагогикалық құрамы Қожа Ахмет Яссауи ауылы, Сұлтан Бейбарыс ауылы, Төле би ауылы, Құрманғазы Сағырбайұылы ауылы, Мағжан Жұмабаев ауылы, Сұлтанмахмұт Торайғыров ауылдары сахна төрінде қазақтың «Бесік салу», «Тұсау кесу», «Сырға салу», «Қыз ұзату», «Келін түсіру», «Құда күту дәстүрі» секілді салт-дәстүр рәсімдерінен театрланған қойылым қойып, көрерменді ұлттық құндылықтарымызбен сусындатты.

Колледждің мәжіліс алаңында әр бөлінген ауылдарда ұлттық тағамдардан арнайы дайындалған ас мәзірлері дайындалып, «Тоғыз құмалақ», «Ләңгі тебу», «Асық ату» секілді ұлттық спорт ойындарынан жарыстар өткізілді.

АКТ залының сахнасына 16 және 25 топтардың студенттері қойылымдар қойып, көрермендер көзайымына айналды. Наурыз тойында колледжіміздің студенттері би билеп, ән салып, спорттық жарыстарға қатысып, керемет көңіл- күйге бөленді.

Бүгінгі думан да бір-бірін көптен көрмеген жұрттың қол алысып, жүздесуіне, амандық-саулық сұрасып, көрісуіне мүмкіндік тудырған күн болды.

Ұлыстың ұлы күні – Наурыз мерекесі баршамызға құтты болсын, бақыт әкелсін! Ұлыс оң болсын, ақ мол болсын!