Студентті кәсіпке баулитын бизнес-инкубатор

Әдістемелік орталықтың ұйымдастыруымен  Атырау энергетика және құрылыс колледжінің базысында Техникалық және кәсіптік білім беру ұйымдары студенттерінің кәсіпкерлік қабілеттерін дамыту үшін оқу орны жанынан бизнес инкубатор құру туралы колледж басшылары мен орынбасарларының кездесуі ұйымдастырылды.

Жобаның мақсаты – студентке оқып жүріп болашақ кәсібінің іргетасын қалауына мүмкіндік беру. Студенттер арасында кәсіпкерлікті дамыту жаңа жұмыс орындарын ашумен қатар, бизнес әлемінің жаңа көрнекті өкілдерін өмірге әкеледі деген үмітіміз бар.

Кездесуге Білім беру басқармасының бөлім басшысы Р. Тілепбергенова, Облыстық Әдістемелік орталық басшысының м.а.  Ж.Кукембаев, Атырау облысы Маркетинг менеджері, бизнес-тренер  С. Гумаров және колледж басшыларымен және әдістемелік орталығы өкілдері қатынасты

Бизнес – инкубатор жасаудың қанатқақты жобасы осы Атырау энергетика және құрылыс колледжінде іске қосылатын болды. Бұл жерде студентке оқып жүріп болашақ кәсібінің іргетасын қалауына мүмкіндік беру көзделген. Сондықтан да бүгінгі бизнес-инкубатордың міндеті – ғылым мен бизнестің түрлі саласында жастардың инновациялық жобаларын жүзеге асыруға қол ұшын созу және дамыту. Сөйтіп олардың алған білімін тәжірибемен ұштастыра отырып, бәсекеге қабілеттілігін шыңдау”, – дейді колледж директоры Джумағазиев Т.М.