Құтқарушылар күніне орай «Ашық есік» күні ұйымдастырылды

19 қазанын құтқарушылар күніне орай, Атырау қаласы №13 мамандандырылған өрт сөндіру бөлімінде Атырау қалалық колледж студенттеріне және орта мектеп оқушыларына арнап «Ашық есік» күні өткізілді.

«Ашық есік» күніне жиналған студенттер мен оқушыларға гарнизонының тыныс-тіршілігі, құтқару жұмыстарын жүргізу кезіндегі күш-құралдар, арнайы өрт-сөндіру автокөліктері, «DRAGER» тыныс алу аппаратының қолданылуы және құтқару жасағының қызметтік иттерінің қабілеттері таныстырылды.

Сонымен қатар, студенттерге ауысымдағы қызметкерлердің сабақ оқу, демалыс, спортзал, асхана т.б. бөлмелері көрсетіліп, бөлім ауласында орналасқан 4 қабатты оқу мұнарасының 4-ші қабатына шабуыл сатысымен көтерілу, құтқару арқаны арқылы өзін-өзі құтқару әдістері практикалық жаттығу негізінде көрсетілді. Және де ҚР ТЖМ Мәлік Ғабдуллин атындағы Азаматтық қорғау академиясына оқуға түсу шарттары толықтай жеткізіліп, арнайы дайындалған жадынамалар таратылды.

Ұйымдастырылған бұл шара өте көңілді өтті.

№13ӨСБ