Ынтымақтастық туралы келісім шарт жасалды

«Атырау энергетика және құрылыс колледжі» КМҚК директорының м.а. Сапаргалиева К.И. “О. Тұрмағанбетұлы атындағы Маңғыстау индустриалды – техникалық колледжі” басшысы Ускимбаев Танат Максимович пен өзара ынтымақтастық туралы келісім шартқа қол қойды. Келісім шарттың мақсаты кредиттік-модульдік оқыту технологиясы бойынша білікті кадрларды даярлау, ҚР колледждері арасындағы әріптестік қатынастарды нығайту. Тараптар ынтымақтастығының негізгі бағыттары: ТжКБ мен жұмыс берушілердің өзара іс қимылының тиімді модельдері мен тетіктерін әзірлеуге және енгізуге бағытталған бірлескен іс шараларды, мамандарды даярлау үшін ашықтық және қолжетімділік қағидаттарында қолда бар білім беру ресурстарын (материалдық-техникалық, әдістемелік, ақпараттық, кадрлық, жұмыс берушілермен әлеуметтік әріптестік ресурс ретінде) тиімді пайдалану мәселелері бойынша тәжірибе алмасу, ұйымдастыру, энергетика және өнеркәсіптік автоматика құзыреттілктері бойынша Worldskills стандарттарына сай мамандарды даярлауда тәжірибе алмасу, бірлескен инновациялық білім беру бағдарламаларын әзірлеу және енгізу.