«Жігіт сұлтаны-2019»
Атадан жақсы ұл туса, Елінің оңы болады,- демекші, қазақ халқы ертеден ер баланың тәрбиесіне ерекше көңіл бөлген.
Қазіргі таңдағы өскелен ұрпағымыздың бойындағы осы бір ерік-жігерлікті, батырлықты, шешендікті, алғырлықты байқау, оны паш ету мақсатында Атырау энергетика және құрылыс колледжінде Жастар ісі комитетінің ұйымдастыруымен 2019 жылғы 12 наурызында колледж студенттері арасында «Жігіт сұлтаны-2019 » сайысы өтті. Сайысқа 6 топтың студенттері, өнерімен тамсандырған, бірінен бірі озатын сайыпқыран жігіттер қатысты. Бес бөлімнен тұратын сайыстың көркін қыздырып, көрермендердің көңілінен шығу үшін сарбаздарымыз бар өнерлерін ортаға салып, түрлі сынақтардан өтті.
Сайыс келесі шарттардан тұрды:
1.«Таныстырсам өзімді» – таныстыру
2.«Сегіз қырлы бір сырлы»- өз өнерін көрсету
3.Сұрақ – жауап(салт – дәстүрге байланысты)
- «Күш атасын танымас»- 16кг кір тасын көтереді.
5.«Шебердің қолы ортақ»- үй тапсырмасы
Сайыс қорытындысы бойынша өзгелерден озық деп танылған бас жүлдеге 17 топ «Техник құрылысшы» мамандығының студенті Жеңіс Сұлтанбек , І орынға 2 топ «Электрмен қамтамасыз ету » мамандығының студенті Тілеқабыл Базарбай, ІІ орынға 7 топ «Техник электрик» мамандығының студентіЕрниязов Нұрбек, ІІІ орынға 22 топ «Техник теплотехник» мамандығының студенті Құттыгерей Айдос иеленсе, «Парасатты жігіт» номинациясымен 6 топ «Кең бейімді құрылыс шебері» мамандығының студенті Батыбай Әли және «Алғыр жігіт» номинациасымен 25 топ студенті Камал Бекзат марапатталды.
Жеңімпаздарды жеңістерімен құттықтай отырып, алдағы уақытта да биік шындардан көріне берулерін тілейміз!!!
